2026 оны 05-р сарын 09-ний өдөр Увс аймгийн Цаст Хархираа уулын холбооноос зохион байгуулсан “Мянганы шил” д.т.д 2216м өндөрлөгт хийх нэг өдрийн аялал, авиралт амжилттай зохион байгуулагдаж, оролцогчид амжилттай оргилдлоо. 
Тус арга хэмжээнд Тариалан сумын залуусын баг, Засаг дарга З.Тэгшжаргал, Аймгийн Иргэдийн Хурлын төлөөлөгч, Цаст Хархираа уулын холбооны тэргүүлэгч С.Цолмон болон Улаангом сумын ахмад, дунд, залуу үеийн төлөөллүүд оролцож, байгалийн сайхныг мэдэрсэн дурсамж дүүрэн нэг өдрийг хамтдаа өнгөрүүллээ.
Оролцогч бүр өөрийгөө сорьж, хүсэл мөрөөдөл, тэмүүлэл, тэвчээрийн төлөө цаг зав, ажил төрлөө зохицуулан эрүүл амьдралын хэв маягийг түгээн дэлгэрүүлэх зорилготойгоор энэхүү арга хэмжээнд нэгдсэн нь онцлог байв.
Арга хэмжээний хамгийн ахмад оролцогчоор 66 настай Х.Отгонбаяр, хамгийн залуу оролцогчоор Мөнхнаран, Лхагвасүрэн нар оролцлоо. Нийт оролцсон баг, хамт олондоо спортын өндөр амжилт, эрүүл энх, сайн сайхан бүхнийг хүсэн ерөөе! 
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.